È passato un anno, ma Itarella non è riuscita a fare alcun tipo di dieta. Continua a mangiare dolci. In un momento di debolezza ha mangiato due graffe e un budino. Ora corre ai ripari, almeno con la coscienza, recandosi da don Gennaro a confessare il suo peccato di gola.
«Eccomi qui! Manco avessi ucciso qualcuno. Don Gennà, mi dovete sentire. ’Ncoppa ’a tavola c’era nu vassoio ’e robba vecchia, ’e ieri mattina. Sarebbe stato nu schiaffo ’alla miseria e poi… cu ’a guerra ’n giro, me posso permettere ’e buttà ’o cibo? No! E allora ne ho fatto il mio pranzo.
’O budino era ’e Annuccia mia, che era nu poco “imbarazzata cu ’a panza”, mentre ’e duje graffe me chiamavano. Mmmmmm… don Gennà! E comme chiamavano!
Allora non ho resistito e ho mangiato tutto: ’e graffe e pure ’o budino! Jesce!!! Mo me sento ’n’assassina! Don Gennà, ’a dieta nun procede, qua lievito sempe. Mo nun vorrei dicere, ma che duje graffe e nu budino tengono chisto potere? Jamme bell’! Ce adda essere qualche disfunzione.
Intanto, ogni vota che vaco a Torino d’’o dietologo mio, spenno ’na barca ’e sorde. Don Gennà, che aggia fa?»
Itarella chiedeva al parroco come se avesse avuto la possibilità di toglierle i chili di dosso.
«Itarè, ’e peccate songo altri. Certo ca ce vo’ moderazione pure ’a tavola. Cerca ’e strategie pe’ nun penzà sempe ’o cibo, distraiti e accatta meno robba.»
«Don Gennà, io vulesse nu miracolo: ca diventasse ’na lice, secca secca, ’a fa schifo. Pure pecché ’e sti tiempe, cu ’a guerra ’n giro, se po’ essere obesi?
Nisciuno se piglia collera pe’ ’sta guerra? O forse ’a paura ce fa magnà cchiù assaje? Che vedimmo ’int’ ’a televisione? Sulo ’a guerra! Mo pure all'ato munno se fa guerra.
Si stessimo ’n pace e cchiù cuntente, mangeremmo ’e meno, camperemmo ’e cuntentezza. Don Gennà, ’a ggente è chiatta pecché è afflitta, sempe cu ’na paura.
All’ata guerra erano sicchi; mo, che ce sta tutta ’sta abbondanza, simmo tutt’ ’e chiatti.»
«Itarè, ’a guerra è ’na brutta bestia, ma nel nostro piccolo la dobbiamo cummattere tutt’ ’e juorne.»
«Difatti, ’int’ ’al mio piccolo ’a combatto in maniera energica: magno chello che lassano ll’ate.»
«Itarè, chesta nun è economia, è abbuffata!»
«Anzi, l’ato juorno aggio ditto a Cosimuccio mio ca, si nun bevessimo cchiù ’a Coca-Cola, altro che guerra sarebbe. Altro che!
Ingrassammo pecché magnamm’ ’e schifezze venute ’a tutto ’o munno. Don Gennà, tu nun me cride, ma io nun tocco niente!»
«Itarè, tu ’o cibo nun lo devi manco guardà!»
«Don Gennà, aggio magnato sulo ’ste tre cose da Natale a mo: ’na graffetella… anzi duje, e nu budino, manco tanto doce.
Chella ’a colpa è tutta ’e Cosimuccio mio: chillo nu juorno senza doce nun ’o sape sta, e io impasto, impasto e impasto.
Te devi vedé ’e suie uocchie quanno me vede ’a ’mpastà: pareno ’e palline d’’o giocoliere, girano comme ’na giostra. E po’ assaggia, chiede e, soprattutto, aspetta.
Io nun voglio fa’ mancà niente, manco nu sfizio!»
«Itarè, penza pure ’a salute.»
«Mo, ier’ sera, nun guardavamo ’a ’na guerra ’a destra e n’ata ’a sinistra? Mo pure ’a Groenlandia!
Ma s’arrecordano addò sta ’sta Groenlandia? Aggio asciuto ’ncopp’ ’o pianerottolo pe’ chiedere ’a vicina si me prestava l’Atlante, ca ’a casa mia scarseggia.
Maronna mia, quanno l’aggio apierto, ’a Groenlandia stava ’ncopp’ ’a tutto ’o munno, comme ’nu cuperchio ’ncuoll’ ’a ’na pentola.
Subbeto aggio penzato: “Chisti ce vonno spià ’a coppe”. Deve essere nu spasso, ’a chella terra, guardà ’a sotto ’l’Europa. Accussì ce mettono sotto ’e piede e zangheneano!»
«Che?»
«Sì, quanno se finisce ’int’ ’e pozzanghere, don Gennà.
Chi aveva mai penzato ca ’nu juorno ’a Groenlandia addiventava accussì famosa? Fino a mo nisciuno ’a conosceva manco.
Ma chisti nun dormono ’a notte pe’ penzà ’e cheste schifezze ’a fa’ ’e juorne. Don Gennà, ’e doce e ’sti tiempe ce vonno pe’ forza.
Ma ’sta ggente nun ha visto maje grazia ’e Dio? Ma ’sti capi nun hanno mai assaggiato nu babbà, ’na pastiera, ’na zeppola? Ma sulo nuje ingrassammo?»
«Ma che dici, Itarè! ’A dieta è ’na cosa e ’a guerra n’ata.»
«Eh no! Si ’a ggente fosse cuntenta, nun magnasse ’e doce. E io, davanti ’a ’sti fatte, songo infelice.
E songo convinta ca cchiù se fa ’a guerra, cchiù se ingrassa. Io m’immagino ’e pranzi laculliani che fanno quanno tornano ’a casa doppo che s’hanno scannato.»
«Luculliani, Itarè! Da Lucullo, famoso per i suoi banchetti e pe’ ’l'ospitalità.»
«E pecché, pure Lucullo faceva ’a guerra?»
«’O tiempo ’e Lucullo, ’e guerre erano all’ordine d’’o juorno.»
«Allora aggio ragione: ’a guerra fa ingrassà!»
«Sì, ma per altri motivi. E Romane avevano ’o fisico atletico, cumbattevano tutt’ ’e juorne.»
«E pure nuje cummattimmo tutt’ ’e juorne, ’a penzà ’a fa’ ’a dieta e a nun ingrassà. Ma niente!»
«Itarè, accumminciammo cu ’e fioretti piccerilli. Po’ famme sapé che dice ’o professore ’e Torino quanno vai ’a visita.»
«Nun me ’o arricordà. Quanno vaco, so’ centoni!»
«Centoni? Saje che cos’è nu centone?»
«Eccome! Fior ’e quattrine che se piglia pe’ ’na visita ’e venti minute!»
«’O centone, Itarè, è nu componimento r’a tarda latinità… e tu parle ’e sorde!»
«Uh, Maronna mia! Avimmo sempe ditto centone, mo addò è asciuto ’stu componimento?»
«Chi studia, ’o sape.»
«Chesto è vero. Allora, don Gennà, comme pozzo pagà ’stu peccato mio?»
«Intanto, ’a penitenza vale sulo se si’ propensa ’a nun ’o fa’ cchiù. Si pienze ’e appararti cu ’nu piccolo fioretto, nun vale!
Oltre ’e preghiere, te direi ’e fa’ ’o sforzo ’e accattà nu Atlante ’o posto ’e graffe. Sarà utilissimo pure pe’ Annuccia.»
«Don Gennà, me staje dicenn’ ca me devo studià ’a Groenlandia?»
«Accussì nun si’ costretta ’a jì ’a vicina ’a chiederlo!»
.svg.webp)
Nessun commento:
Posta un commento